సర్పంచుల బాధ్యతల స్వీకరణకు కొత్త తేదీ

స్థానికం ప్రతినిధి

TG: రాష్ట్రంలో నూతనంగా ఎన్నికైన సర్పంచుల బాధ్యతల స్వీకరణ తేదీ మారింది. ముందుగా డిసెంబర్‌ 20న అపాయింటెడ్‌ డేగా నిర్ణయించిన ప్రభుత్వం, తాజాగా ఆ తేదీని 22వ తేదీకి మార్చుతూ పంచాయతీరాజ్‌ శాఖ ఉత్తర్వులు జారీ చేసింది.

డిసెంబర్‌ 20న సరైన ముహూర్తాలు లేవని, తేదీని మార్చాలని పలువురు ప్రజాప్రతినిధులు చేసిన విజ్ఞప్తులను పరిగణనలోకి తీసుకున్న ప్రభుత్వం ఈ నిర్ణయం తీసుకున్నట్టు తెలిసింది.

ఈ మేరకు రాష్ట్రవ్యాప్తంగా కొత్తగా ఎన్నికైన సర్పంచులందరూ డిసెంబర్‌ 22న అధికారికంగా బాధ్యతలు స్వీకరించనున్నారు.