స్థానిక ఎన్నికల్లో BRS దూకుడు – అధికార పార్టీకే పరిమిత విజయం

రామన్నపేట (యాదాద్రి భువనగిరి):

యాదాద్రి భువనగిరి జిల్లా రామన్నపేట మండలంలో జరిగిన స్థానిక సంస్థల ఎన్నికల్లో కాంగ్రెస్ పార్టీకి భారీ ఎదురుదెబ్బ తగిలింది. మొత్తం 24 గ్రామపంచాయతీలు ఉన్న ఈ మండలంలో రెండు గ్రామపంచాయతీలు ఏకగ్రీవంగా ఎన్నికయ్యాయి. మిగిలిన 22 గ్రామపంచాయతీల్లో జరిగిన పోటీల్లో BRS పార్టీ స్పష్టమైన ఆధిపత్యం ప్రదర్శించింది.

ఈ ఎన్నికల్లో BRS పార్టీ 7 గ్రామపంచాయతీలను స్వయంగా గెలుచుకోగా, సిపిఎం పార్టీతో అలవెన్స్ కుదుర్చుకుని మరో 2 స్థానాలు దక్కించుకుంది. అదేవిధంగా ఒక ఇండిపెండెంట్ అభ్యర్థి మద్దతుతో మొత్తం 10 గ్రామపంచాయతీలపై BRS పట్టు సాధించింది.

అధికార పార్టీగా ఉన్న కాంగ్రెస్ పార్టీ ఈ ఎన్నికల్లో కేవలం 12 గ్రామపంచాయతీలకే పరిమితమైంది. ఏకగ్రీవంగా రెండు గ్రామపంచాయతీలు మొత్తం 14,అధికారంలో ఉన్నప్పటికీ ఆశించిన స్థాయిలో ఫలితాలు సాధించలేకపోవడం రాజకీయ వర్గాల్లో చర్చనీయాంశంగా మారింది. మండలవ్యాప్తంగా కాంగ్రెస్‌కు వ్యతిరేక ఓటింగ్ స్పష్టంగా కనిపించిందన్న అభిప్రాయం వ్యక్తమవుతోంది.

మొత్తంగా రామన్నపేట మండలంలో వచ్చిన ఫలితాలు రాబోయే రాజకీయ సమీకరణాలకు సంకేతంగా మారాయని విశ్లేషకులు పేర్కొంటున్నారు.