బస్తీ (ఉత్తరప్రదేశ్),: పెళ్లి మండపంలో అరుదైన ఘటన చోటుచేసుకుని, వరుడికి అనూహ్య షాక్‌ తగిలింది. సబ్‌-ఇన్స్పెక్టర్ జాన్ మేజర్ వివాహం చివరి దశలో ఉండగా, వధువు ప్రియుడు సర్వేశ్ సింగ్ అకస్మాత్తుగా అక్కడికి చేరుకొని వివాహాన్ని అడ్డుకున్నాడు.

తాము ఐదేళ్లుగా ప్రేమలో ఉన్నామని తెలిపిన సర్వేశ్ సింగ్, తమ సంబంధానికి సంబంధించిన సాక్ష్యాలను కూడా చూపించాడు. ఈ పరిణామంతో ఆశ్చర్యానికి గురైన వరుడు జాన్ మేజర్, వధువుతో మాట్లాడిన అనంతరం వివాహాన్ని రద్దు చేసుకోవాలని నిర్ణయించుకున్నాడు.

అనంతరం వధువు తన ప్రియుడితో వెళ్లిపోయింది. ఈ ఘటనపై వరుడి తండ్రి ధర్మపాల్ స్పందిస్తూ, “ఈ నిర్ణయంతో మా కొడుకు ప్రాణాలు కాపాడబడ్డాయి” అని తెలిపారు. ఈ సంఘటన స్థానికంగా చర్చనీయాంశమైంది.