పీఏసీఎస్ పాలకవర్గాల రద్దుకు తెలంగాణ ప్రభుత్వం ఉత్తర్వులు

స్థానిక ప్రతినిధి

హైదరాబాద్: తెలంగాణ ప్రభుత్వం కీలక నిర్ణయం తీసుకుంది. రాష్ట్రవ్యాప్తంగా ఉన్న ప్రాథమిక వ్యవసాయ సహకార సంఘాల (PACS) పాలకవర్గాలను రద్దు చేస్తూ అధికారిక ఉత్తర్వులు జారీ చేసింది. దీంతో పాటు పీఏసీఎస్ చైర్మన్లు, డైరెక్టర్లతో కూడిన పాలకవర్గాల పదవీకాలం తక్షణమే ముగిసినట్లయింది.

సహకార శాఖ ప్రతిపాదనల మేరకు ఈ నిర్ణయం తీసుకున్నట్లు ప్రభుత్వ వర్గాలు తెలిపాయి. కొత్త పాలకవర్గాల ఏర్పాటుకు ఎన్నికల ప్రక్రియ చేపట్టే దిశగా ప్రభుత్వం ముందడుగు వేయనున్నట్లు సమాచారం. అప్పటివరకు సంఘాల నిర్వహణ కోసం ప్రత్యేక ఏర్పాట్లు చేయనున్నారు.

ఈ ఉత్తర్వులతో రాష్ట్రవ్యాప్తంగా సహకార సంఘాల రాజకీయ సమీకరణల్లో కీలక మార్పులు చోటు చేసుకునే అవకాశముందని పరిశీలకులు అంచనా వేస్తున్నారు. రైతు రుణాలు, ధాన్యం కొనుగోలు, ఎరువుల పంపిణీ వంటి అంశాలపై ఈ నిర్ణయం ప్రభావం చూపనుందని సహకార వర్గాలు చర్చించుకుంటున్నాయి.