గ్యాస్ సిలిండర్ బుకింగ్ కోసం కాల్స్ కలవక ఇబ్బంది పడుతున్న వినియోగదారులకు ఉపశమనం లభించనుంది. వినియోగదారుల సౌకర్యార్థం పెట్రోలియం శాఖ పలు సులభమైన బుకింగ్ విధానాలను అందుబాటులోకి తీసుకువచ్చింది. ఇకపై వినియోగదారులు కేవలం ఫోన్ కాల్స్‌పై ఆధారపడాల్సిన అవసరం లేకుండా వివిధ డిజిటల్ మార్గాల ద్వారా సులభంగా LPG సిలిండర్ బుక్ చేసుకోవచ్చు.

పెట్రోలియం శాఖ సూచించిన విధంగా వినియోగదారులు WhatsApp, SMS/IVRS, మొబైల్ యాప్, వెబ్‌సైట్ లేదా కేవలం ఒక మిస్డ్ కాల్ ద్వారా కూడా గ్యాస్ సిలిండర్ బుక్ చేసుకునే అవకాశం ఉంది. అంతేకాకుండా PhonePe, Google Pay, Paytm వంటి UPI యాప్‌ల ద్వారా కూడా బుకింగ్ చేసుకోవచ్చు.

తమ గ్యాస్ సరఫరా సంస్థను బట్టి సంబంధిత ఫోన్ నంబర్లు, యాప్ వివరాలను చెక్ చేసి వినియోగదారులు సులభంగా బుకింగ్ చేసుకోవచ్చని అధికారులు తెలిపారు. ఈ విధానాలతో కాల్స్ కనెక్ట్ కాకపోవడం వంటి సమస్యలు తగ్గి వినియోగదారులకు సౌకర్యం కలగనుందని పేర్కొన్నారు.