మున్సిపల్ ఎన్నికలు నిర్వహించే ఈ నెల 11న స్థానిక సెలవు ప్రకటించాలని జిల్లా కలెక్టర్లను రాష్ట్ర ఎన్నికల సంఘం ఆదేశించింది.ఈ సెలవు అన్ని ప్రభుత్వ కార్యాలయాలు, స్థానిక సంస్థలు, ప్రభుత్వ, ప్రైవేట్ విద్యాసంస్థలకు వర్తిస్తుందని వెల్లడించింది. అలాగే ప్రైవేట్ పరిశ్రమలు కూడా ఆ రోజున సెలవు ఇవ్వాలని సూచించింది.ఓటర్లు ఎలాంటి ఆటంకం లేకుండా తమ ఓటు హక్కును వినియోగించుకునేలా చేయడమే లక్ష్యంగా ఈ నిర్ణయం తీసుకున్నట్లు రాష్ట్ర ఎన్నికల సంఘం తెలిపింది. ప్రజాస్వామ్య పండుగలో ప్రతి ఒక్కరూ భాగస్వాములు కావాలని, పోలింగ్ శాతాన్ని పెంచడమే ఉద్దేశంగా ఈ స్థానిక సెలవు ప్రకటిస్తున్నట్లు అధికారులు వివరించారు.