చిట్యాల,

యువత స్వయంప్రతిభతో ఆర్థికంగా నిలదొక్కుకోవాలని రవి కుమార్ పిలుపునిచ్చారు. చిట్యాల మండలంలోని పెద్దకాపర్తి గ్రామంలో తెల్సురి వద్ద ఏర్పాటు చేసిన బెల్లం చాయ్ షాప్‌ను ఆయన రిబ్బన్ కట్ చేసి ప్రారంభించారు.

ఈ సందర్భంగా ఎస్‌.ఐ మాట్లాడుతూ, ప్రభుత్వ ఉద్యోగాలపై మాత్రమే ఆధారపడకుండా యువత తమకు ఉన్న నైపుణ్యాలను వినియోగించుకుని స్వయం ఉపాధి మార్గాలను ఎంచుకోవాలని సూచించారు. చిన్న స్థాయి వ్యాపారాలే భవిష్యత్తులో పెద్ద అవకాశాలకు దారి తీస్తాయని అన్నారు. గ్రామీణ ప్రాంతాల్లో వనరులు, అవసరాలు ఎక్కువగా ఉన్నాయని, వాటిని గుర్తించి వ్యాపార దిశగా అడుగులు వేస్తే మంచి ఫలితాలు సాధ్యమవుతాయని తెలిపారు.

స్వశక్తితో ముందుకు సాగిన యువతే ఇతరులకు ఆదర్శంగా నిలుస్తారని పేర్కొన్నారు. స్థానికంగా ప్రారంభించిన ఈ బెల్లం చాయ్ షాప్ గ్రామ యువతకు స్ఫూర్తిగా నిలవాలని ఆకాంక్షించారు.

ఈ కార్యక్రమంలో ఆనగంటి నరేష్, నూతి వెంకటేష్, ఆవుల జానయ్య, గుంటోజు రమేష్, అవుశెట్టి మహేష్, తెల్సురి నగేష్, శ్రీకాంత్, భరత్ తదితరులు పాల్గొన్నారు.