యాదాద్రి భువనగిరి జిల్లా అడిషనల్ కలెక్టర్ వీరారెడ్డి బదిలీ

యాదాద్రి భువనగిరి స్థానికం ప్రతినిధి:

యాదాద్రి భువనగిరి జిల్లా రెవెన్యూ అదనపు కలెక్టర్‌గా సేవలందిస్తున్న వీరారెడ్డి బదిలీ అయ్యారు. ఈ మేరకు రాష్ట్ర ప్రభుత్వం ఉత్తర్వులు జారీ చేసింది. ఆయనను తెలంగాణ రాష్ట్ర పారిశ్రామిక మౌలిక సదుపాయాల సంస్థ (టీఎస్‌ఐఐసీ) ఎగ్జిక్యూటివ్ డైరెక్టర్‌గా నియమిస్తూ ప్రభుత్వం ఆదేశాలు వెలువరించింది.

గత ఏడాదికిపైగా భువనగిరిలో రెవెన్యూ అదనపు కలెక్టర్‌గా విధులు నిర్వహించిన వీరారెడ్డి భూ సమస్యల పరిష్కారంలో ప్రత్యేక గుర్తింపు పొందారు. రెవెన్యూ పరిపాలనలో ఆయనకు ఉన్న అనుభవం జిల్లా యంత్రాంగానికి ఎంతో ఉపయోగపడింది. ముఖ్యంగా భూ వివాదాలు, ప్రజా ఫిర్యాదుల పరిష్కారంలో వేగవంతమైన నిర్ణయాలతో అధికారిగా మంచి పేరు తెచ్చుకున్నారు.

ఇంతకు ముందు యాదాద్రి భువనగిరి జిల్లాలో స్థానిక సంస్థల అదనపు కలెక్టర్‌గా కూడా ఆయన సేవలందించారు. ప్రజాపరిపాలనలో అనుభవంతో పాటు పరిపాలనా దక్షత కలిగిన అధికారిగా గుర్తింపు పొందిన వీరారెడ్డి బదిలీపై జిల్లా వర్గాల్లో చర్చ సాగుతోంది.