నల్లగొండ పట్టణ కేంద్రంలో జనసేన పార్టీ జిల్లా అధ్యక్షుడు మేకల సతీష్ రెడ్డి మాట్లాడుతూ ఆంధ్రప్రదేశ్ డిప్యూటీ ముఖ్యమంత్రి పవన్ కళ్యాణ్ నటించిన ‘ఉస్తాద్ భగత్ సింగ్’ చిత్రం దేశభక్తిని పెంపొందించేలా ఉందని పేర్కొన్నారు.

ఈ సినిమా స్వాతంత్ర్య సమరయోధుల త్యాగాలను స్మరించుకునే విధంగా రూపొందించబడిందని, యువతలో దేశభక్తి భావాలను పెంచుతుందని అన్నారు. దేశ అభివృద్ధికి యువత ఎలా ముందుకు రావాలో చూపించే సందేశాత్మక చిత్రం అని అభిప్రాయపడ్డారు.

పవన్ కళ్యాణ్ సిద్ధాంతాలు, నియమ నిబంధనలు పాటిస్తే యువతకు మంచి భవిష్యత్తు ఉంటుందని తెలిపారు. త్వరలోనే పవన్ కళ్యాణ్‌ను కలిసి ఆశీర్వాదాలు తీసుకుని, నల్లగొండ జిల్లాలో ప్రతి మండలం, గ్రామంలో జనసేన పార్టీని బలోపేతం చేస్తామని చెప్పారు.

రాబోయే రోజుల్లో తెలంగాణలో నల్లగొండ నుంచి ఎమ్మెల్యేగా గెలిపించి పవన్ కళ్యాణ్‌కు బహుమతిగా ఇవ్వడానికి కృషి చేస్తామని తెలిపారు.

ఈ కార్యక్రమంలో వెంకటేష్, చింతకాయల రేఖ, నవీన్ గౌడ్, చరణ్, సురేష్, కార్తీక్, మల్లేష్, మహేష్ గౌడ్, సురేష్ గౌడ్, శ్రీనాథ్ తదితరులు పాల్గొన్నారు.