మోటకొండూరు: స్థానికం ప్రతినిధి శ్రీనివాస్

మోటకొండూరు మండల పరిధిలోని వర్టూరు గ్రామంలో సంక్రాంతి పండుగను పురస్కరించుకుని ముగ్గుల పోటీలను ఘనంగా నిర్వహించారు. ఈ కార్యక్రమాన్ని గ్రామానికి చెందిన సోలిపురం సిదమ్మ నర్సిరెడ్డి,రాజేందర్ రెడ్డి ఆధ్వర్యంలో ఉత్సాహభరితంగా నిర్వహించారు.ఈ పోటీల్లో గ్రామానికి చెందిన ఆడపడుచులు, చిన్నారులు పెద్ద సంఖ్యలో పాల్గొని తమ ప్రతిభను చాటుకున్నారు. రంగురంగుల ముగ్గులతో గ్రామం పండుగ వాతావరణంతో కళకళలాడింది. పోటీల్లో విజయం సాధించిన మహిళలు,చిన్నారులకు నిర్వాహకులు ఆకర్షణీయమైన బహుమతులు అందజేశారు.ఈ కార్యక్రమంలో గ్రామ సర్పంచ్ గట్టికొప్పుల సరిత మచేందర్,ఉప సర్పంచ్ మోర శ్రీనివాస్ రెడ్డి, వార్డు సభ్యులు,మహిళలు,గ్రామ ప్రజలు పాల్గొని కార్యక్రమాన్ని విజయవంతం చేశారు.గ్రామంలో ఐక్యత,సంప్రదాయ సంస్కృతి ప్రతిబింబించేలా ఈ ముగ్గుల పోటీలు ప్రత్యేక ఆకర్షణగా నిలిచాయి.