నిబంధనలు ఉల్లంఘించిన వారికి జరిమానాలు

యాదగిరిగుట్ట ట్రాఫిక్‌ పోలీస్‌ స్టేషన్‌ సిబ్బంది ఆధ్వర్యంలో గురువారం ప్రత్యేక డ్రైవ్‌ నిర్వహించి వాహనదారులకు సీటు బెల్ట్‌ వినియోగంపై అవగాహన కల్పించారు.

ఈ సందర్భంగా ట్రాఫిక్‌ సీఐ యలగొండ కృష్ణ మాట్లాడుతూ సీటు బెల్ట్‌ ధరించడం వల్ల ప్రమాద సమయంలో ఎయిర్‌బ్యాగ్‌లు సమర్థంగా పనిచేసి ప్రాణాపాయం నుంచి రక్షణ కలుగుతుందని తెలిపారు. లక్షలు వెచ్చించి కార్లు కొనుగోలు చేసిన వారు సీటు బెల్ట్‌ వినియోగాన్ని నిర్లక్ష్యం చేయడం సరికాదన్నారు.

వాహనంలో ప్రయాణించే ప్రతి ఒక్కరూ తప్పనిసరిగా సీటు బెల్ట్‌ ధరించాలని సూచించారు. సీటు బెల్ట్‌ లేకుండా ప్రయాణిస్తున్న వారిపై జరిమానాలు విధించినట్లు తెలిపారు.

ఈ కార్యక్రమంలో ఎస్సై దేవేందర్‌, సిబ్బంది సలీం, హనుమంతు, వెన్నెల, శ్రీధర్‌రెడ్డి, శ్రీనివాస్‌ తదితర కానిస్టేబుళ్లు పాల్గొన్నారు.