రామన్నపేటలో కాంగ్రెస్ సర్పంచ్ ప్రమాణ స్వీకార మహోత్సవం

స్థానికం ప్రతినిధి కొండ మల్లేశం గౌడ్

యాదాద్రి భువనగిరి జిల్లా రామన్నపేట మేజర్ గ్రామ పంచాయతీ కాంగ్రెస్ పార్టీ సర్పంచ్‌గా గెలుపొందిన గరిక సత్యనారాయణతో పాటు నూతన పాలకవర్గ సభ్యుల ప్రమాణ స్వీకార మహోత్సవం ఘనంగా జరిగింది.

ఈ కార్యక్రమంలో నకిరేకల్ ఎమ్మెల్యే వేముల వీరేశం పాల్గొని, నూతనంగా ఎన్నికైన సర్పంచ్, వార్డు సభ్యులను శాలువాలతో సత్కరించి శుభాకాంక్షలు తెలిపారు. ప్రజలు ఇచ్చిన నమ్మకాన్ని నిలబెట్టుకుంటూ గ్రామాభివృద్ధే లక్ష్యంగా పనిచేయాలని ఆయన సూచించారు.

గ్రామంలో మౌలిక వసతుల అభివృద్ధి, సంక్షేమ పథకాల సమర్థ అమలు కోసం పాలకవర్గం సమిష్టిగా కృషి చేయాలని పేర్కొన్నారు. ప్రమాణ స్వీకార కార్యక్రమం ఉత్సాహభరిత వాతావరణంలో సాగగా, కాంగ్రెస్ నాయకులు, కార్యకర్తలు, గ్రామ ప్రజలు పెద్ద సంఖ్యలో పాల్గొన్నారు.