భారతీయ రైల్వే ప్రతిష్టాత్మకంగా ప్రారంభించిన 'రైల్ వన్ ' (రైల్ వన్) సూపర్ యాప్ ప్రయాణికుల ఆదరణ పొందుతోంది. ఐఆర్సిటిసి, యుటిఎస్, రైల్ మదద్ వంటి విభిన్న సేవలను ఒకే ప్లాట్ఫామ్ పైకి తెచ్చిన ఈయాప్, టికెట్ బుకింగ్ నుండి ఫుడ్ ఆర్డర్ల వరకు అన్నింటినీ సులభతరం చేసింది. బయోమెట్రిక్ భద్రత, ఎండ్-టు-ఎండ్ ఎన్క్రిప్షన్, బహుభాషా మద్దతుతో రూపొందిన ఈయాప్, వేర్వేరు అప్లికేషన్ల అవసరం లేకుండా ప్రయాణాన్ని మరింత సౌకర్యవంతంగా మార్చేసింది.