నార్కెట్‌పల్లి (ప్రతినిధి):

తెలంగాణ జాతిపిత, గులాబీ దళపతి, రాష్ట్ర తొలి ముఖ్యమంత్రి కే . చంద్రశేఖర్ రావు (కేసీఆర్) జన్మదినాన్ని పురస్కరించుకొని నార్కెట్‌పల్లి పట్టణ కేంద్రంలో ఘనంగా వేడుకలు నిర్వహించారు.

ఈ కార్యక్రమంలో నకిరేకల్ మాజీ శాసనసభ్యులు చిరుమర్తి లింగయ్య పాల్గొని కేసీఆర్ సేవలను స్మరించుకున్నారు. తెలంగాణ రాష్ట్ర సాధనలో ఆయన చేసిన త్యాగాలు, రాష్ట్ర అభివృద్ధి కోసం తీసుకున్న దూరదృష్టి నిర్ణయాలు ప్రజలకు శాశ్వత మార్గదర్శకమని పేర్కొన్నారు.

వేడుకల సందర్భంగా నాయకులు, కార్యకర్తలు, అభిమానులు పెద్ద ఎత్తున హాజరై కేక్ కట్ చేసి సంబరాలు జరుపుకున్నారు. కేసీఆర్ కి దీర్ఘాయుష్షు కలగాలని ఆకాంక్షిస్తూ శుభాకాంక్షలు తెలియజేశారు