రామన్నపేట ప్రభుత్వ ఏరియా ఆసుపత్రి నూతన సూపరింటెండెంట్‌గా బాధ్యతలు స్వీకరించిన డాక్టర్ శ్వేత ప్రియాంక, డీసీహెచ్‌ఎస్ చిన్నా నాయక్‌తో కలిసి నకిరేకల్ ఎమ్మెల్యే, ఆసుపత్రి అభివృద్ధి కమిటీ చైర్మన్ వేముల వీరేశంను గురువారం ఆయన నివాసంలో మర్యాదపూర్వకంగా కలిశారు. పూల బొకే అందజేసి శాలువాతో సన్మానించారు.

ఈ సందర్భంగా ఎమ్మెల్యే మాట్లాడుతూ వైద్యులు, సిబ్బంది సమన్వయంతో పనిచేసి ఆసుపత్రికి వచ్చే రోగులకు మెరుగైన వైద్య సేవలు అందించాలని సూచించారు. మార్చి 2వ తేదీన ఆసుపత్రి అభివృద్ధి సలహా కమిటీ సమావేశం నిర్వహించి సమస్యలపై చర్చించి పరిష్కార చర్యలు చేపడతామని తెలిపారు.