రామన్నపేట: రామన్నపేట మండల కాంగ్రెస్ సీనియర్ నాయకుడు కోట సుధాకర్ తల్లి సోమలక్ష్మమ్మ దశదిన కర్మ కార్యక్రమం గ్రామంలో గంభీర వాతావరణంలో జరిగింది. ఈ సందర్భంగా పలు ప్రజాప్రతినిధులు, పార్టీ నాయకులు హాజరై కుటుంబ సభ్యులకు ప్రగాఢ సానుభూతి తెలిపారు.

రామన్నపేట మేజర్ గ్రామపంచాయతీ సర్పంచ్ గరిక సత్యనారాయణ, పట్టణ కాంగ్రెస్ అధ్యక్షులు మొహమ్మద్ జమీరుద్దీన్, ఉపసర్పంచ్ మోటె రమేష్, జిల్లా కాంగ్రెస్ నాయకులు బొడ్డు సాలయ్య, గోదాసు శ్రీమన్నారాయణ, గోదాసు పృథ్వీరాజ్, ఎండీ రెహాన్, మొహమ్మద్ అక్రమ్, లెంకల ప్రవీణ్, కందుల శివ, అరుణ్ తదితరులు కార్యక్రమానికి విచ్చేసి సోమలక్ష్మమ్మ చిత్రపటానికి పుష్పాంజలి ఘటించారు.

వార్డ్ సభ్యులు కొమ్ము శేఖర్, బండ లింగస్వామి, గోదాసు శ్రీను, కేశవదాసు ఉదయ్, మోటె మహేష్ సహా పలువురు కార్యకర్తలు పాల్గొని కోట సుధాకర్ కుటుంబానికి ధైర్యం చెప్పారు.