స్థానికం ప్రతినిధి

కేతేపల్లి పట్టణ కాంగ్రెస్ పార్టీ సర్పంచ్ అభ్యర్థిగా ఘన విజయం సాధించిన బీరం జాన్ రెడ్డితో పాటు నూతనంగా ఎన్నికైన పాలకవర్గ సభ్యుల ప్రమాణ స్వీకార మహోత్సవం కేతేపల్లిలో ఘనంగా జరిగింది.

ఈ కార్యక్రమానికి ముఖ్య అతిథిగా హాజరైన నకిరేకల్ ఎమ్మెల్యే వేముల వీరేశం నూతన సర్పంచ్‌తో పాటు పాలకవర్గ సభ్యులను శాలువాలతో సత్కరించి హృదయపూర్వక శుభాకాంక్షలు తెలియజేశారు.

ఈ సందర్భంగా ఎమ్మెల్యే వేముల వీరేశం మాట్లాడుతూ –

ప్రతి వార్డులో ఇందిరమ్మ ఇండ్ల కేటాయింపు చేపడతామని స్పష్టం చేశారు. ప్రజల విశ్వాసంతో గెలిచిన సర్పంచ్‌, పాలకవర్గ సభ్యులు ప్రజలకు సేవకులుగా పనిచేయాలన్నారు. కేతేపల్లి ప్రాంత సమగ్ర అభివృద్ధే లక్ష్యంగా ప్రభుత్వం ముందుకు సాగుతుందని తెలిపారు.

గ్రామంలో మౌలిక సదుపాయాల అభివృద్ధిలో భాగంగా రోడ్ల నిర్మాణం, అండర్‌పాస్ ఏర్పాటు వంటి కీలక పనులను చేపడతామని హామీ ఇచ్చారు. ఎన్నికల్లో పార్టీ కోసం శ్రమించిన ప్రతి కార్యకర్తను, నాయకుడిని కాపాడుకుంటామని భరోసా ఇచ్చారు.

కాంగ్రెస్ ప్రభుత్వంలో గ్రామాభివృద్ధికి నిధుల కొరత ఉండదని, కేతేపల్లి పట్టణాన్ని అభివృద్ధి పథంలో ముందుకు తీసుకెళ్తామని ఎమ్మెల్యే స్పష్టం చేశారు.