జీవన నైపుణ్యాల కోర్సు పూర్తి చేసిన విద్యార్థులకు సర్టిఫికెట్లు

రామన్నపేట: ప్రభుత్వ డిగ్రీ కళాశాల రామన్నపేట రసాయన శాస్త్ర విభాగం ఆధ్వర్యంలో నిర్వహించిన “జీవన నైపుణ్యాలు మరియు ఆశావాహ దృక్పథం” సర్టిఫికెట్ కోర్సును విజయవంతంగా పూర్తి చేసిన విద్యార్థులకు సర్టిఫికెట్లు అందజేశారు. ఫిబ్రవరి 9 నుంచి మార్చి 4 వరకు నిర్వహించిన ఈ కోర్సు విద్యార్థుల్లో వ్యక్తిత్వ వికాసానికి దోహదపడిందని ప్రిన్సిపల్ డాక్టర్ రహత్ ఖానం తెలిపారు.

ఈ సందర్భంగా ఆయన మాట్లాడుతూ, విద్యార్థులు పాఠ్యాంశాలతో పాటు జీవన నైపుణ్యాలను అలవరచుకోవడం ఎంతో అవసరమని పేర్కొన్నారు. కోర్సును పూర్తి చేసిన విద్యార్థులను అభినందించి సర్టిఫికెట్లు ప్రధానం చేశారు.

ఈ కార్యక్రమంలో రిసోర్స్ పర్సన్ కొమ్ము నరేష్, రసాయన శాస్త్ర విభాగం అధిపతి ఎం. అనిత, వైస్ ప్రిన్సిపల్ డాక్టర్ పి. వెంకటేశ్వరరావు, అకాడమిక్ కోఆర్డినేటర్ డాక్టర్ జి. చిన్నబాబు, ఐక్యూఏసి కోఆర్డినేటర్ డాక్టర్ నీలిమ, డాక్టర్ తండు కృష్ణ కౌండిన్య, డాక్టర్ రవీందర్, ఏవో జి. కరుణాకర్, డాక్టర్ బ్రహ్మం, డాక్టర్ వెంకట్ గౌడ్, డాక్టర్ కిషన్, డాక్టర్ రాచమల్ల శ్రీను, తాటిశెట్టి శ్రీను, నరేష్, అమర్, రాధిక, ఆంజనేయులు, బాలరాజు, రవి తదితరులు పాల్గొన్నారు.