రామన్నపేట

చేనేత సహకార సంఘాల అభివృద్ధికి శాఖ తరఫున పూర్తి సహకారం అందిస్తామని జిల్లా చేనేత, జౌళి శాఖ సహాయ సంచాలకులు ఎ. శ్రీనివాసరావు తెలిపారు. రామన్నపేట పరిధిలోని లక్ష్మీ సిల్క్ చేనేత సహకార సంఘం నూతన కార్యవర్గం సభ్యులు శుక్రవారం ఆయనను మర్యాదపూర్వకంగా కలిసి శాలువాతో సన్మానించారు.

ఈ సందర్భంగా ఆయన మాట్లాడుతూ చేనేత కార్మికుల సంక్షేమం, పరిశ్రమ అభివృద్ధికి సహకార సంఘాల పాలకవర్గాలు సమిష్టిగా కృషి చేయాలని సూచించారు. ప్రభుత్వ పథకాలను సద్వినియోగం చేసుకొని చేనేత రంగాన్ని మరింత బలోపేతం చేయాలని పిలుపునిచ్చారు.

ఈ కార్యక్రమంలో ఏడీఓ అఖిల్ రెడ్డి, సంఘం అధ్యక్షుడు వనం సుధాకర్, ఉపాధ్యక్షుడు వనం బిక్షపతి, కార్యదర్శి బోడ వెంకటేశ్వర్లు, డైరెక్టర్లు చిందం పద్మ, పెండెం అరుణ, మహేశ్వరం అశోక్, తోర్ర రఘు, వనం శ్రీనివాస్, వనం అంబదాస్‌తో పాటు పలువురు చేనేత కార్మికులు పాల్గొన్నారు.