బోగారంలో సంక్రాంతి సందడి… ముత్యాల ముగ్గులతో గ్రామం కళకళ

రామన్నపేట (మేజర్ న్యూస్):

యాదాద్రి భువనగిరి జిల్లా రామన్నపేట మండలం బోగారం గ్రామంలో సంక్రాంతి పండుగ అంగరంగ వైభవంగా జరిగింది. గ్రామ సర్పంచ్ కూనూరు సాయికుమార్ గౌడ్ ఆధ్వర్యంలో నిర్వహించిన ముత్యాల ముగ్గుల పోటీలు గ్రామాన్ని పండుగ కళతో నింపాయి.సర్పంచ్ స్వయంగా ముగ్గుల పోటీలను ప్రారంభించి మహిళలకు ప్రోత్సాహం అందించారు. రంగురంగుల ముగ్గులు, సంప్రదాయ అలంకరణలతో గ్రామ వీధులు ఆకట్టుకున్నాయి. ఉత్తమ ముగ్గులు వేసిన వారికి నగదు బహుమతులతో పాటు పోటీలో పాల్గొన్న ప్రతి ఒక్కరికీ బహుమతులు అందజేశారు.

భోగిమంటలు, గంగిరెద్దుల విన్యాసాలు, హరిదాస్ సందడి గ్రామంలో పండుగ ఉత్సాహాన్ని రెట్టింపు చేశాయి. సంప్రదాయానికి పట్టం కట్టి యువత, మహిళలు, చిన్నారులు ఉత్సాహంగా పాల్గొన్నారు.

ముగ్గుల పోటీల ఫలితాలు ఇలా ఉన్నాయి…

ప్రథమ బహుమతి – ఏ.ఎం.ఎస్. రెడ్డి (రూ. 5,116)

ద్వితీయ బహుమతి – గోగు అండాలు (రూ. 2,116)

తృతీయ బహుమతి – బద్దుల మధులిక (రూ. 1,016)

కన్సోలేషన్ బహుమతి – రాపోలు భాగ్య (రూ. 1,016)

ఈ కార్యక్రమంలో తాజా మాజీ సర్పంచ్ అంతటి పద్మ రమేష్ గౌడ్, ఉపసర్పంచ్ బైకాని ఉమామహేష్ యాదవ్, పంచాయతీ కార్యదర్శి అయ్యప్ప రెడ్డి, వార్డు సభ్యులు, మహిళా సంఘాల నాయకులు, గ్రామ మహిళలు, యువతీ యువకులు పెద్ద సంఖ్యలో పాల్గొని వేడుకలను విజయవంతం చేశారు.