అడ్వాన్స్ క్రిస్మస్ శుభాకాంక్షలు – సిఎస్‌ఐ చర్చిలో ఏర్పాట్లపై ప్రత్యేక శ్రద్ధ

స్థానిక ప్రతినిధి

నకిరేకల్ మున్సిపాలిటీ పరిధిలోని 4వ వార్డు సంతోష్‌నగర్ కాలనీలో ఉన్న సిఎస్‌ఐ చర్చిలో తెలంగాణ రాష్ట్ర మహిళా కాంగ్రెస్ ఉపాధ్యక్షురాలు, నకిరేకల్ మున్సిపల్ కౌన్సిలర్ గాజుల సుకన్య శ్రీనివాస్ అడ్వాన్స్ క్రిస్మస్ శుభాకాంక్షలు తెలియజేశారు. ఈ సందర్భంగా చర్చి ఫాస్టర్‌ను మర్యాదపూర్వకంగా కలిసి క్రిస్మస్ పండుగ ఏర్పాట్లపై సమీక్షించారు.

పండుగ ఏర్పాట్లలో ఎలాంటి ఇబ్బందులు తలెత్తకుండా మున్సిపల్ సిబ్బంది సహకారంతో నీటి సరఫరా, పారిశుధ్య పనులు సక్రమంగా నిర్వహిస్తామని, అవసరమైతే తాను అందుబాటులో ఉంటూ పూర్తిస్థాయి సహాయం అందిస్తామని హామీ ఇచ్చారు. సామాజిక సౌహార్దం, మతసౌభ్రాతృత్వానికి ప్రతీకగా ఈ కార్యక్రమం నిలిచిందని స్థానికులు అభిప్రాయపడ్డారు.

ఈ కార్యక్రమంలో చర్చి ప్రతినిధులు, స్థానిక నాయకులు పాల్గొన్నారు.