ఉప సర్పంచ్ల చెక్ పవర్ రద్దు కాలేదు: మంత్రి సీతక్క స్పష్టీకరణ

స్థానికం ప్రతినిధి హైదరాబాద్

గ్రామ పంచాయతీల్లో ఉప సర్పంచ్ల చెక్ పవర్‌ను రద్దు చేశారన్న ప్రచారం పూర్తిగా అవాస్తవమని రాష్ట్ర మంత్రి సీతక్క స్పష్టం చేశారు. ప్రభుత్వం ఇప్పటివరకు అలాంటి ఎలాంటి నిర్ణయం తీసుకోలేదని ఆమె ఖండించారు.

ఉప సర్పంచ్ల అధికారాలపై సోషల్ మీడియా సహా కొన్ని వేదికల్లో వస్తున్న వార్తలు పూర్తిగా తప్పుడు ప్రచారాలేనని మంత్రి పేర్కొన్నారు. ఈ రకమైన అపోహలను ప్రజలు, ప్రజాప్రతినిధులు ఎట్టి పరిస్థితుల్లోనూ నమ్మవద్దని ఆమె సూచించారు.